Muqabasy ádemi, ishinde ilip alar dúnıesi joq kitaptar kóbeıip ketti - Sedoogıın Hadaa
ALMATY. QazAqparat - Almatyda ótip jatqan ekinshi halyqaralyq jazýshylar forýmynda Mońǵol elinen kelgen Sedoogıın Hadaa, kórkem aýdarmaǵa qatysty óz oıyn aıtty, dep habarlaıdy QazAqparat tilshisi.
Mońǵol elinen kelgen jazýshy Sedoogıın Hadaanyń pikirinshe, kórkem aýdarma álemdik problema. Aýdarmanyń ózi syn, qıyn, kúrdeli másele. Kórkem aýdarma ýaqytpen keńistik kólemin qamtıdy, tildiń óz sheginen shyǵýdy bildiredi.
«Shyn mánisinde shynaıy kórkem aýdarma - ol aýdarmanyń óziniń sheginen shyǵý. Bir tilden basqa tilge, bir elden basqa elge, bir mádenıetten basqa mádenıetke shyǵý. Biraq bul jáı ǵana mátin trasplantatsııalaý emes. Kórkem aýdarma meniń oıymsha elektrondyq júıeni qabyldamaıdy»,-dedi Mońǵol jazýshysy Sedoogıın Hadaa.
Onyń aıtýynsha, qazir álem boıynsha jazýshylar men oqyrmandar zardap shegýde. Ár eldiń klassık jazýshylarynyń shyǵarmalaryn mán-maǵynasy joq áńgimeler men óleńder basyp barady. Muqabasy ádemi bezendirilgen, alaıda ishinde ilip alar dúnıesi joq kitaptar qaptap ketti. Internet keńistigi de ádebıetke óz kesirin tıgizip jatyr.
«Bul aqıqat. Moıyndaýymyz kerek. Alaıda ár problemanyń sheshimi bolady. Búgingi forým osynyń bir aıǵaǵy. Qalamgerler basqosýy ádebıet áleminde halyqaralyq baǵaǵa ıe bolatynyna men senemin» - deıdi Sedoogıın Hadaa.
Buǵan deıin, jazýshy Smaǵul Elýbaı Qazaqstanda ádebı agent júıesin qurý týraly sóz qozǵady.
Memleket jáne qoǵam qaıratkeri Oljas Súleımenov Beıimbet, Sáken, Іlııas, Mirjaqyptardyń shyǵarmasyn shet tiline aýdarý kerektigin aıtty.
Eske sala ketsek, Almatyda halyqaralyq jazýshylar forýmy ótip jatyr. Oǵan 18 memleketten 81 delegat qatysýda.
