Muhtar Jákishev Másimovtiń záýlim saraıyn aýktsıonsyz satyp ala ma – ókiletti kompanııa jaýap berdi

ASTANA. KAZINFORM – Qaıtarylǵan aktıvterdi basqarý kompanııasy «Muhtar Jákishev Kárim Másimovtiń záýlim saraıyn aýktsıonsyz satyp almaq» delingen aqparatty teriske shyǵardy.

- Áleýmettik jelide qaıtarylǵan aktıvterdiń biriniń aýktsıon ótkizilmeı satylatyndyǵy, tipti satyp alýshynyń da bar ekendigi týraly aqparat tarady. Bul shyndyqqa janaspaıdy. Barlyq aktıv aktıvterdi basqarý erejesin qatań saqtaı otyryp, tek «E-Qazyna» memlekettik portalynda ǵana satylady, - dep atap ótti atalǵan kompanııanyń baspasóz qyzmetinen.

Aıta keteıik, Ulttyq qaýipsizdik komıtetiniń tóraǵasy bolǵan Kárim Másimovke tıesili bastapqy baǵasy 1,8 mlrd teńge bolatyn úı 25 aqpanda saýdaǵa shyǵaryldy.

Alaıda sol kezde satyp alýshy tabylmady. Sondyqtan 12 naýryzda qaıta satylymǵa shyǵarylǵan edi.

Eske salaıyq, UQK burynǵy tóraǵasy Kárim Másimov 2022 jyly 8 qańtarda ustaldy.

UQK taratqan málimet boıynsha, Másimovtiń premer-mınıstr laýazymynda bolýy kezeńinde bıznes-qurylymnyń birinen astanada quny 2,5 mlrd teńge elıtalyq turǵyn úı men jer telimin alý faktisi boıynsha tergeý júrgizildi.