Muhtar Jákishevtiń isine qatysty qosymsha qylmystyq ister qozǵaldy - Bas prokýratýra
ASTANA. Naýryzdyń 18-i. QazAqparat /Aıdar Ospanalıev/ - «Qazatomónerkásip» ulttyq kompanııasynyń burynǵy basshysy Muhtar Jákishevtiń isine qatysty júrgizilip otyrǵan qosymsha isterdi izdestirý jumystary jalǵasýda.
Olar boıynsha qazir taǵy 3 qylmystyq is qozǵalyp otyr. Olardyń arasynda zańsyz alynǵan kiristerdi zańdastyrýǵa qatysty materıaldar bar. ıAǵnı izdestirý jumystary jalǵasýda. Bul týraly búgin jýrnalıstermen bolǵan brıfıngte Bas prokýratýranyń resmı ókili Nurdálet Súıindikov málim etti, dep habarlaıdy QazAqparat.
Onyń sózine qaraǵanda, qazir qozǵalǵan isterdiń qashan sotqa joldanatyndyǵy dóp basyp aıtý qıyn. Qazirgi tańda Bas prokýratýra organdarynda atalmysh isterdiń qashan aıaqtalatyndyǵy jóninde aqparat joq. «M.Jákishevtiń isine qatysty saýaldar qazir óte kóp. Sondyqtan biz osy saýaldardyń barlyǵyn muqııat zerttep, olar boıynsha arnaıy baspasóz máslıhatyn ótkizemiz degen oıdamyn», dedi resmı ókil.
