Muhtar Tileýberdi reseılik áriptesimen yntymaqtastyq máselelerin talqylady

NUR-SULTAN. QazAqparat - Búgin Syrtqy ister mınıstri Muhtar Tileýberdi Reseı Federatsııasynyń Syrtqy ister mınıstri Sergeı Lavrovpen beınebaılanys rejıminde kelissóz ótkizdi, dep habarlaıdy QazAqparat.

QR SІM-nen málim etkendeı, syrtqysaıası vedomstvolardyń basshylary saıası, ekonomıkalyq salalardaǵy, sonyń ishinde tranzıttik-kóliktik, energetıkalyq jáne áskerı-tehnıkalyq baǵyttardaǵy Qazaqstan-Reseı jan-jaqty strategııalyq áriptestiktiń aǵymdaǵy jaǵdaıy men damý perspektıvalaryn talqylady.

Taraptar sondaı-aq, TMD, EAEO, UQShU, ShYU, BUU aıasyndaǵy kooperatsııa máselelerin qarastyrdy.

Ekinshi dúnıejúzilik soǵystaǵy Jeńistiń 75 jyldyǵyna arnalǵan saltanatty is-sharalarǵa qatysý úshin Qazaqstan Prezıdenti Qasym-Jomart Toqaevtyń Máskeýge aldaǵy saparyna daıyndyq máseleleri talqylandy.

«Sonymen qatar, M. Tileýberdi men S. Lavrov aǵymdaǵy jyldyń qarasha aıynda Kókshetaýda ótetin Qazaqstan men Reseıdiń XVII Óńiraralyq yntymaqtastyq forýmyna daıyndyǵyn qarastyrdy», - dedi QR SІM-nen.