Muhtar Tileýberdi qazaqstandyqtardy qaıtarýǵa qolǵabys kórsetken polıak áriptesine alǵys bildirdi

NUR-SULTAN. QazAqparat - Qazaqstan Syrtqy ister mınıstri Muhtar Tileýberdi men Polshanyń Syrtqy ister mınıstri ıAtsek Chapýtovıch telefon arqyly sóılesti, dep habarlaıdy QazAqparat SІM baspasóz qyzmetine silteme jasap.

Áńgimelesý barysynda polıak syrtqy saıası vedomstvosynyń basshysy Polshanyń 19 azamatynyń Qazaqstannan Varshavaǵa qaıtýyna kórsetilgen kómek úshin rızashylyǵyn jetkizdi. Óz kezeginde, mınıstr M.Tileýberdi Qazaqstannyń 207 azamatyn elge qaıtarý barysynda kórsetilgen qolǵabys úshin polıak áriptesine alǵys bildirdi.

Eske sala ketsek, Polshaǵa jiberilgen «Skat» qazaqstandyq áýekompanııasynyń arnaıy charterlik reısimen Qazaqstanda qalyp qoıǵan polıak azamattary da joldanǵan bolatyn.

Suhbat sońynda, taraptar ekijaqty yntymaqtastyqty, sonyń ishinde «COVID-19» koronavırýs pandemııasy saldarynan oryn alǵan daǵdarysty jeńý boıynsha jahandyq kúsh salysý sheńberinde odan ári nyǵaıtýǵa ýaǵdalasty.
Telefon arqyly sóılesýge polıak tarapy bastamashy boldy.