Muhtar Tileýberdi Qazaqstan Shvetsııamen qandaı baǵyttar boıynsha yntymaqtastyqqa múddeli ekenin aıtty
Kezdseýdi qortyndylaǵan baspasóz máslıhatynda Muhtar Tileýberdi osyndaı málimet aıtty.
«Adamı ólshemde Qazaqstan úshin tózimsizdik pen kemsitýshiliktiń barlyq nysandaryna qarsy kúres, toleranttylyq, adam quqyqtaryn qorǵaý, zańnyń ústemdigi, genderlik teńgerimdi ilgeriletý jáne adam saýdasyna qarsy kúres sııaqty máseleler mańyzdy bolyp qala beredi.
Osyǵan baılanysty Prezıdent Qasym-Jomart Toqaevtyń «Halyq únine qulaq asatyn memleket» tujyrymdamasy aıasyndaǵy dáıekti demokratııalyq reformalary atap ótildi», - dedi Qazaqstan ókili.
Mınıstr kezdesýde Qazaqstan-shved yntymaqtastyǵynyń ózekti máseleleri de keńinen qaralǵanyn aıtady.
«Saıası yntymaqtastyqty nyǵaıtý joldary týraly pikir almasyp, SІM aralyq konsýltatsııalar sııaqty yntymaqtastyqtyń mańyzdy mehanızminiń tıimdiligin qanaǵattanýshylyqpen atap óttik.
Ótken jyldyń qarasha aıynda Shvetsııa men Ortalyq Azııa parlamentteri arasyndaǵy dostyq qaýymdastyǵynyń qurylǵanyn, onyń qyzmeti Shvetsııa parlamentteri men halyqtary arasyndaǵy jáne óńirimizdegi tyǵyz ári turaqty qarym-qatynastardy odan ári nyǵaıtýdyń irgetasy bolyp tabylatynyna erekshe nazar aýdaryldy», - dedi vedomstvo basshysy.
Muhtar Tileýberdiniń aıtýynsha, kelissóz kezinde ǵylymı-bilim berý jáne mádenı-gýmanıtarlyq salalardaǵy ózara is-qımyldyń áleýeti, eki eldiń ýnıversıtetteri arasyndaǵy baılanystardyń nyǵaıýy da sóz bolǵan.
«Qazaqstan-shved saýda-ekonomıkalyq yntymaqtastyǵyna joǵary baǵa berildi. Densaýlyq saqtaý, aqparattyq-kommýnıkatsııalyq tehnologııalar, turaqty damý jáne energetıka salasyndaǵy yntymaqtastyqqa ózara qyzyǵýshylyq bildirip, Qazaqstan Shvetsııamen mashına jasaý, aýyl sharýashylyǵy, qorshaǵan ortany qorǵaý salasyndaǵy yntymaqtastyqqa múddeli ekenin rastadyq. Sý resýrstaryn tıimdi paıdalaný, turmystyq qaldyqtardy qaıta óńdeý boıynsha shved tehnologııalary da bizdi qyzyqtyrady.
Jalpy, atalǵan kelissózder tyǵyz yntymaqtastyqty jalǵastyrýǵa ózara múddelilik tanytyp, elderimiz arasyndaǵy saıası dıalogtyń qazirgi deńgeıi ekijaqty ózara is-qımyldy odan ári damytý úshin qolaıly jaǵdaı týǵyzatynyna senimdimiz», - dedi mınıstr.
