Muhtar Tileýberdi Ispanııaǵa saparlaıdy
NUR-SULTAN. QazAqparat - QR Syrtqy ister mınıstri Muhtar Tileýberdi Ispanııaǵa saparmen barady. Bul týraly búgin QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.
«QR Syrtqy ister mınıstri 15-16 jeltoqsan kúnderi Madrıd qalasynda «Azııa-Eýropa» forýmyna qatysýshy elderdiń Syrtqy ister mınıstrleriniń «Azııa men Eýropa – tıimdi kópjaqtylyq úshin birge» taqyrybyna arnalǵan 14-shi keńesine qatysady. Іs-sharaǵa Azııa men Eýropanyń, sondaı-aq Eýropalyq odaq pen ASEAN-nyń 51 eliniń syrtqy saıası vedomstvo basshylarynyń qatysýy josparlanǵan«, - dedi resmı ókil.
Onyń aıtýynsha, forým barysynda halyqaralyq kún tártiptegi eń ózekti máseleler, sonyń ishinde Azııa men Eýropa elderi arasyndaǵy ózara baılanysty nyǵaıtý, turaqty damý, klımattyń ózgerýi, ıadrolyq qarýdy taratpaý, kıberqaýipsizdik, Sırııadaǵy, Aýǵanstandaǵy jaǵdaılar jáne basqa da ózekti máseleler talqylanady.
»Qazaqstan SІM basshysynyń Syrtqy ister mınıstrleri keńesi alańynda «Azııa-Eýropa» forýmyna qatysýshy elderdiń syrtqy saıası vedomstvolarynyń basshylarymen birqatar ekijaqty kezdesýi josparlanǵan«, - dedi Aıbek Smadııarov.
