Muhtar Tileýberdi AQSh-ta beıresmı kezdesýge qatysty

NЬıÝ-IORK. QazAqparat - BUU Bas Assambleıasynyń 74-shi sessııasy sheńberinde Azııadaǵy ózara is-qımyl jáne senim sharalary jónindegi keńeske (AÓSShK) múshe memleketter Syrtqy ister mınıstrleriniń beıresmı kezdesýi ótti. Bul týraly QazAqparat SІM silteme jasap habarlaıdy.

Kezdesý qatysýshylary aǵymdaǵy jyldyń maýsym aıynda Dýshanbe qalasynda ótken AÓSShK 5-shi Sammıtiniń qorytyndysyn talqylady, al is-sharanyń deklaratsııasynda Azııadaǵy qaýipsizdik pen yntymaqtastyqtyń negizgi máseleleri jónindegi keńes músheleriniń ustanymdary men kózqarastary kórinis tapty, sondaı-aq Qazaqstannyń Tuńǵysh Prezıdenti - Elbasy Nursultan Nazarbaevtyń AÓSShK negizin qalaýshy retindegi jeke róli jáne onyń Keńes áleýetin arttyrýǵa qosqan eleýli úlesi atap ótildi.

AÓSShK-tegi Qazaqstannyń aldaǵy tóraǵalyǵyna erekshe nazar aýdaryldy. QR Syrtqy ister mınıstri Muhtar Tileýberdi 2020-2022 jyldary Qazaqstannyń tóraǵalyq etýge keńeste arnalǵan ótinimin biraýyzdan qoldaǵany úshin AÓSShK múshe memleketterine alǵys bildirdi.

Delegatsııa basshylary Qazaqstandy AÓSShK-tiń kelesi tóraǵasy retinde quttyqtap, keńes sheńberinde yntymaqtastyqty damytýdaǵy elimizdiń jetekshi rólin atap ótti.

Mınıstr óz sózinde AÓSShK-ti damytý kózqarasymen jáne Forýmǵa tóraǵalyq etý kezeńinde Qazaqstannyń nazaryn aýdaratyn basymdyqtarymen bólisti. Olardyń qatarynda – AÓSShK-ti dáıekti ınstıtýtsıonaldyq damytý, Senim sharalary katalogynyń bes ólsheminiń sheńberinde Forýmnyń qyzmetin mazmundy tolyqtyrý, sondaı-aq basqa da halyqaralyq jáne óńirlik ınstıtýttarmen ózara is-qımyldy odan ári kúsheıtý.

AÓSShK qyzmetiniń qazirgi zamanǵy syn-qaterler jaǵdaıynda joǵary ózektiligi jáne zor ekonomıkalyq jáne adamı áleýetke ıe Azııadaǵy qaýipsizdik pen ózara baılanysty nyǵaıtý úshin óńirlik kooperatsııanyń tıimdi platformasy retindegi mańyzdylyǵy atap ótildi.

1992 jylǵy 5 qazanda Qazaqstannyń Tuńǵysh Prezıdenti – Elbasy N.Nazarbaev Azııadaǵy qaýipsizdik problemalary boıynsha konsensýs negizinde dıalog, konsýltatsııalar, sheshimder qabyldaý jáne sharalardy júzege asyrý úshin memleketaralyq forým bolyp tabylatyn AÓSShK-ti shaqyrýǵa bastama jasady. Búgingi tańda AÓSShK-ke Azııanyń 27 memleketi múshe, 8 el men 5 halyqaralyq uıym baqylaýshy bolyp tabylady.