Muhtar Taıjan: Qazaqstan demokratııalaný jolyn jarııa etti

ASTANA. QazAqparat - B.Taıjan atyndaǵy qordyń basshysy Muhtar Taıjan Memleket basshysynyń bılik tarmaqtary arasynda ókilettikterdi bólý máseleleri jónindegi úndeýine qatysy pikir bildire kele Prezıdent ókiletterin Úkimet pen Parlamentke berý durys ekendigin aıtty, dep habarlaıdy QazAqparat.

«Qazaqstanda parlament pen Úkimet rólin ulǵaıtý arqyly demokratııalaný jolyn jarııa etti. Mundaı bastamany qoldamaýǵa bolmaıdy. Bizde joǵary prezıdentti respýblıka bolǵan edi.  Men prezıdenttik ókilettikterdi Úkimet pen Parlamentke berý durys dep sanaımyn. Mundaı tájirıbe álemde keńinen taraǵan. Úkimet Parlament aldynda jaýap berýi tıis. Al Parlament basqa bolýy qajet. Saılaý bolýy tıis, onda keminde jartysy majorıtarlyq júıe boıynsha, kelesi proportsıonaldy júıe arqyly qalyptasýy kerek. Mundaı Parlament aldynda Úkimet jaýap bersin», - dep málimdedi Muhtar Taıjan.

Aıta keteıik, keshe QR Prezıdenti Nursultan Nazarbaev otandyq telearnalar arqyly bılik tarmaqtary arasynda ókilettikterdi bólý máseleleri jónindegi úndeýin jarııa etti. Onda Prezıdenttiń  áleýmettik-ekonomıkalyq protsesterdi retteýdegi birshama ókiletterin Úkimetke jáne basqa da atqarýshy organdarǵa berý, Úkimetti jasaqtaýda Parlamenttiń rólin kúsheıtý qarastyrylǵan.