Muhtar Taıjan beıbit jınalystar týraly zań jobasyn talqylaýǵa qanaǵattanýshylyq bildirdi
NUR-SULTAN. QazAqparat - QR Parlamenti Májilisinde palata spıkeri Nurlan Nyǵmatýlınniń tóraǵalyǵymen jáne óńir ókilderiniń qatysýymen «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zań jobasyn talqylaýǵa arnalǵan dóńgelek ústel otyrysy ótti. Qoǵam qaıratkeri jáne jumys tobynyń múshesi Muhtar Taıjan talqylaýǵa qatysty pikirimen bólisti, dep habarlaıdy QazAqparat tilshisi.
«Talqylaý formatyna qanaǵattanýshylyq bildiremin. Májilis spıkeri talqylaýdy júrgizip, oǵan barlyq óńir qatysty. Bul jaqsy format. Men mıtıng kezinde jýrnalıster úshin eshqandaı shekteý jasaý kerektigin usyndym. Óıtkeni, BAQ týraly arnaıy zań bar. Bul mıtıng kezinde jýrnlaıster úshin qandaı da bir mindettemeni júkteý úshin jetkilikti. Jýrnalıster úshin arnaıy aımaq engizý usynyldy. Menińshe, onyń esh qajeti joq. Jýrnalısterdiń kimmen sóıleskisi kelse, sonymen sóılesýge múmkindigi bolýy tıis. Ekinshiden, mıtıng týraly eskertý merzimin 15 kúnnen 10 kúnge deıin qysqartý qajet. Al pıket úshin eskertýdi múldem alyp tastaý kerek», - dedi Muhtar Taıjan.
Onyń atap ótýinshe, beıbit jınalystar úshin mamandandyrylǵan oryn engizýge qatysty qyzý pikirtalas boldy.
«Menińshe, mıtıng ótkizýge bolmaıtyn jerlerdi aıqyndaý qajet. Máselen, olar: kópirler, qarý-jaraq qoımasy, áskerı baza nemese bóget. Bul jerlerde tehnologııalyq qaýipke baılanysty ótkizýge bolmaıdy. Qalǵan barlyq buqaralyq jerler mıtıng ótkizý úshin ashyq bolýy tıis. Ádilet mınıstrligi Marat Beketaev óte jaqsy mysal keltirdi. AQSh-ta Kapıtolııa men Aq úı tóńiregi jasyl jáne qyzyl aımaqqa bólingen. Ereýilshiler nemese sherýshiler atalǵan ǵımarattardyń jumys isteýine kedergi keltirmeýleri tıis ekendigi túsinikti. Biraq, ol jaqqa jasyl aımaq bar. Ol jerde ereýilge shyǵýǵa jınalýǵa bolady. Olar Free speech zone dep atalady. Menińshe, bul jaqsy tájirıbe jáne biz ony ony alýymyz kerek. Eger Parlament mańynan qandaı da bir aımaq belgilep, eshkimge bóget jasamaı jınala alatyn bolsaq nege jasamasqa»,- dedi spıker.
Muhtar Taıjan jýrnalıster nazaryn zań jobasyn talqylaýǵa arnalǵan jıynnyń 2 saǵattan astamǵa sozylǵanyna da aýdardy.
«Ózderińizde kórip otyrǵandaı 2,5 saǵat boıy talqylap jatyrmyz. Jıyndy Májilis tóraǵasy júrgizip, jumys toptarynyń basshylary, komıtet tóraǵalary, mınıstrler, mınıstr orynbasarlary, QR Bas prokýrorynyń orynbasary qatysýda. Árıne, olar bizdiń pikirimizdi estidi. Óńirler de qatysyp, óte jaqsy usynystar bedi. Biz bul zań jobasynyń árbir babyn tyńǵylyqty qarap shyǵamyz dep oılaımyn. Men jumys tobyna Erlan Qalıev, Marjan Aspandııarova, Erlan Nurpeıisov syndy belsendilerdi qosýdy usyndym. Olar ártúrli qalada turady. Olar árbir otyrysqa qatysa almaǵan kúnniń ózinde men olardyń pikirlerin jarııa etip otyratyn bolamyn», - dedi ol.
