Muhtar Taıjan 15 táýlikke qamaýǵa alyndy

ASTANA. QazAqparat – Qoǵam qaıratkeri Muhtar Taıjan ákimshilik jaýapkershilikke tartyldy, dep habarlaıdy QazAqparat tilshisi Almaty qalasy ákimshilik quqyq buzýshylyqtar jónindegi mamandandyrylǵan aýdanaralyq sotynyń baspasóz qyzmetine silteme jasap.

«Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynyń qaýlysymen azamat M. Taıjan ákimshilik quqyq buzýshylyq týraly kodekstiń 488-baby 6-bóligi boıynsha kináli dep tanyldy. Ol 15 táýlik merzimge ákimshilik qamaýǵa alý túrinde ákimshilik jaýapqa tartyldy», - delingen resmı habarlamada.

Qaýly zańdy kúshine engen joq.

Aıta keteıik, Muhtar Taıjan jer reformasy máselelerin qozǵap júrgen qoǵam belsendisi. Ol elimizde jer kadastry ashyq bolýy kerektigin usynǵan edi.

Sondaı-aq, jerdi jaldaýdy 49 jylǵa deıin ǵana uzartyp, ári qaraı konkýrs arqyly bolýy kerektigin alǵa tartty.