Muhtar Shahanovtyń mereıtoıy Otyrardan bastaldy
Aldymen aqyn bastaǵan bir top zııaly qaýym Arystanbab kesenesine zııarat jasap, quran baǵyshtady. Sonan soń «Otyrar» memlekettik arheologııalyq mýzeı-qoryǵynyń Sapar ortalyǵynda «Otyrar órkenıeti jáne Shahanov shyńy» atty kezdesý ótti.
Jıynda satırık Kópen Ámirbek qazaq óleńiniń ulttyq boıaýy men rýhyn ustanyp, ony baıyta túsken aqıyq aqynnyń 80 jasqa tolǵan mereıtoıy týǵan jeri — Otyrardan bastaý alýy úlken qurmet ekendigin aıtyp ótti.
Al, mýzeı dırektory Jangeldi Mahashov elimizdiń táýelsizdigi men ana tiliniń mártebesi úshin aqynnyń qosqan eńbegi orasan zor ekendigin jetkizdi.
Mereıtoıǵa arnalǵan mádenı shara budan ári aýdandyq mádenıet saraıynda jalǵasyn tapty. Aqynǵa aýdan turǵyndary aqboz at mingizip, qurmet kórsetti. Sáni men saltanaty jarasqan sahnada «Altyn dombyra» ıegeri, belgili aıtysker Bekarys Shoıbekov arnaý aıtty.
Jıynǵa Qýanysh Aıtahanov, Qulbek Ergóbek, Kópen Ámirbek, Jeńisbek Máýlenqulov, Qazybek Isa, Álimjan Qurtaev, Serikjan Seıitjanov, Hanbıbi Esenǵaraqyzy, Qalıma Jantóreeva, Bekjigit Serdáli syndy el azamattary qatysty.
QR Májilis tóraǵasynan, Qyzylorda oblysy ákiminen jáne elimizdiń ár aımaǵynan kelgen jedel quttyqtaýlar oqylyp, aqynǵa syı-syıapat jasaldy. Túrkistan oblystyq mádenıet basqarmasy basshysynyń orynbasary Asylhan Temirhan oblys ákiminiń quttyqtaý haty men syı-sııapatyn jetkizse, oblystyq máslıhat hatshysy Qaırat Balabıev te qalamgerge degen lebizin bildirdi.
Mereıtoı Hadısha Shalabaeva bastaǵan ánshilerdiń qatysýymen ótken kontsertke ulasty.
