Muhtar Shahanovtyń kitaby boıynsha túsirilgen derekti fılm satylymǵa shyqty
ALMATY. 12 naýryz. QazAqparat - Muhtar Shahanovtyń «Jeltoqsan epopeıasy» kitabynyń negizinde túsirilgen «Jeltoqsannyń asyqpaǵan aqıqaty nemese bes komıssııa múddesi» dep atalatyn derekti fılm satylymǵa shyqty.
«Rýh-Tarıh-Parasat» stýdııasy túsirgen bul týyndyda 1986 jyly Almaty qalasynda bolǵan Jeltoqsan kóterilisiniń kópshilik jurt bile bermeıtin, óz kezinde aıtylmaı qalǵan jumbaqqa toly syrlaryn ashady. DVD formatta shyǵarylǵan fılmniń sapasy zamanaýı talapqa tolyǵymen jaýap beredi. Qazirgi tańda «Jeltoqsan epopeıasy» derekti romany men onyń negizinde túsirilgen «Jeltoqsannyń asyqpaǵan aqıqaty nemese bes komıssııa múddesi» atty derekti fılm dıskisi saýdaǵa shyǵyryla bastady.
