Muhtar Nııazov Qyrǵyzstanda ótken aıtysta bas júlde aldy

QYZYLORDA. QazAqparat - Qyzylordalyq aıtys aqyny Muhtar Nııazov Qyrǵyzstanda ótken halyqaralyq aıtystan bas júlde alyp qaıtty, dep habarlaıdy QazAqparat tilshisi.

Bul jóninde oblystyq mádenıet jáne sport basqarmasynyń basshysy Rýslan Rústemov Facebook áleýmettik jelisindegi paraqshasynda jazdy.

«Qazaq pen qyrǵyzǵa ortaq aqyn boldy degen osy. Qýan, qazaq! Qyrǵyzdyń Qarqara jaılaýynda ótken halyqaralyq aıtystaǵy Muhtardyń bas júldesi qutty bolsyn», - degen qýanyshty habaryn jetkizdi basqarma basshysy.

Muhtar Nııazov Qyzylorda oblysy Jalaǵash aýdanynda 1985 jyldyń 4 qarashasynda dúnıege kelgen. Alǵashqyda jazba aqyn retinde qalam tartqan ol aıtys ónerin aýdandyq oqýshylar aıtysyna qatysýdan bastady. Muhtar oblystyq aqyndar aıtysy men jazba aqyndar músháırasynyń júldegeri.

Ol elimizde «Altyn dombyra» baıqaýynyń úsh dúrkin ıegeri. Sondaı-aq, kóptegen aıtysta jeńimpaz bolsa, birqatarynda júldegerler qatarynan kórindi.

Eske salsaq, budan buryn «Qazaqstan barysyna» Qyzylordadan eki bólmeli páter syıǵa berildi.