Muhtar Maǵaýınniń janazasy men jerleý rásimi AQSh-ta ótedi

ASTANA. KAZINFORM — Muhtar Maǵaýınniń janazasy 11 qańtar kúni AQSh-tyń Merılend shtatynda jergilikti ýaqytpen 10:00–de túriktiń Diyanet Center of America meshitinde ótedi jáne sol shtattyń zıratyna jerlenedi.

Bul týraly Amerıkadaǵy qazaqstandyqtar agenttikke habarlady.

— Muhtar Maǵaýınniń janazasy qańtardyń 11-i, senbi kúni saǵat 10:00–de Lenhem qalasyndaǵy túriktiń Diyanet Center of America meshitinde oqylady, qonaqasy da sol orynda 13:00–de beriledi. Jerleý rásimi 11:00–de Parklawn Memorial zıratynda ótedi, — dep jazylǵan jazýshynyń uly Edige Maǵaýınniń otandastaryna jibergen habarlamasynda.

Eske sala ketsek, búgin tańda belgili jazýshy Muhtar Maǵaýın AQSh-ta 85 jasynda dúnıeden ozdy.

Memleket basshysy Qazaqstannyń halyq jazýshysy Muhtar Maǵaýınniń otbasy men jaqyn-jýyqtaryna kóńil aıtý jedelhatyn joldady.

Muhtar Muqanuly Maǵaýın 1940 jyly 2 aqpanda sol kezdegi Semeı oblysynyń Shubartaý aýdanynda týǵan. 1962 jyly Qazaq memlekettik ýnıversıtetiniń fılologııa fakýltetin, 1965 jyly aspırantýrasyn bitirgen.

«Alasapyran» tarıhı roman-dılogııasy úshin Qazaq KSR-iniń Abaı atyndaǵy memlekettik syılyǵy berildi. Qazaqstannyń Halyq jazýshysy (1984) ataǵynyń, Túrkııanyń halyqaralyq «Túrik dúnıesine qyzmet» syılyǵynyń ıegeri (1997), «Tarlan» syılyǵynyń laýreaty (2002), Qazaqstannyń Qurmetti jazýshysy (2019) boldy.