Muhtar Qul-Muhammed Mańǵystaý jastarymen kezdesti
Elbasymyz árdaıym jastarǵa erekshe kóńil bólip keledi. Taıaýda ótken partııa Saıası keńesiniń keńeıtilgen otyrysynda Memleket basshysy jastarǵa zor senim artyp, olardyń qoǵamdyq sanany jańǵyrtýdyń aldyńǵy leginde júrýi kerektigin aıtqan bolatyn. Óz sózinde Muhtar Qul-Muhammed Elbasy aldymyzǵa qoıyp otyrǵan mindetterdiń, sonyń ishinde qoǵamdyq sanany jańǵyrtýdyń mańyzy men mánine nazar aýdardy. Kezdesý barysynda oblystaǵy talantty, qoǵamdyq jumystarǵa belsene qatysyp júrgen, óz isteriniń naǵyz maıtalman mamandary sanalatyn on jas azamat partııa qataryna qabyldanyp, olarǵa partııalyq bıletteri saltanatty jaǵdaıda tapsyryldy.
Aımaq basshysy Eraly Toǵjanov kezdesý kezinde óńirdiń eń talapty jastary - «Nur Otan» partııasy janyndaǵy «Jas Otan» jastar qanatynyń aımaq belsendileri ekenin atap ótti.
«Olar jańa formattaǵy jobalardyń bastaýshysy; memlekettik organdarda jańa formatsııada jumys isteýshilerdiń rezervi; «Qazaqstan Respýblıkasyndaǵy memlekettik jastar saıasaty týraly» Zańyna ózgertý eńgizýdiń qozǵaýshy kúshi; respýblıkalyq jáne aımaqtyq is-sharalardy uıymdastyrýshy; «Nur Otan» partııasynyń saıasatyn belsendi jalǵastyrýshy - naǵyz qanaty. Elimizdiń budan arǵy damýy men órkendeýi, keleshegi jastarǵa tikeleı baılanysty. Biz sizderge osyndaı úlken úmit artamyz. El bolashaǵy úshin bilim alyp, eńbek etedi degen senim bildiremin», - dedi oblys ákimi.
Oblystaǵy eń iri oqý orny - Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń ustazdary da jıynda sóz aldy. Ýnıversıtettiń professorlyq-oqytýshylyq quramy - 350-den asa adam, sonyń ishinde: 16 ǵylym doktory jáne 169 ǵylym kandıdaty qyzmet etedi. Joǵary oqý ornynyń 3 myńnan asa stýdentterine arnalǵan úsh oqý ǵımaraty, úsh jataqhanasy, úsh oqý polıgony, basseındi sport kesheni bar. Búginde ýnıversıtet jastary - oblystyń bilim júıesiniń damýyna úles qosýshy birden-bir kúsh. Sondyqtan belsendi stýdentterge partııa bıleti saltanatty túrde tapsyryldy.
Sonymen qatar Muhtar Qul-Muhammed partııanyń oblystyq aktıvimen kezdesti. Onda partııa Tóraǵasynyń Birinshi orynbasary Memleket basshysynyń Saıası keńes otyrysynda bergen tapsyrmalaryn júzege asyrý jóninde partııanyń aldynda turǵan naqty mindetterdi atap ótti. Osyǵan oraı, mańǵystaýlyq partııa músheleri aldaǵy ýaqytta kadrlardyń biliktiligin arttyrý, jastarmen jumysty odan ári jandandyrý, partııanyń Saılaýaldy baǵdarlamasyn júzege asyrýdy jalǵastyrý jáne halyqty alańdatqan ózekti máselelerdiń sheshilýin árdaıym nazar ustaý jolynda jumys isteıtin bolady.
