Muhtar Qul-Muhammed Qytaı Halyq Respýblıkasynyń Qazaqstandaǵy Tótenshe jáne Ókiletti elshisi Chjoý Lı myrzamen kezdesti
ASTANA. 7 maýsym. QazAqparat. Qazaqstan Respýblıkasynyń Mádenıet mınıstri Muhtar Qul-Muhammed Qytaı Halyq Respýblıkasynyń Qazaqstandaǵy Tótenshe jáne Ókiletti elshisi Chjoý Lı myrzamen kezdesý ótkizdi,
dep habarlaıdy QR Mádenıet mınıstrliginiń baspasóz qyzmetinen.
Onyń barysynda mádenıet salasynyń ekijaqty qarym-qanynasyna qatysty birqatar másele qarastyrylyp, talqylandy.
Naqtyraq aıtqanda, Astana qalasynda Shanhaı Yntymaqtastyq Uıymynyń (ShYU) 10 jyldyq mereıtoıy qarsańynda uıymdastyrylyp, ótkizilgeli otyrǵan «Beıbitshilik úshin saıahat» atty ShYU múshe-memleketterdiń tanymal sýretshileriniń kórmesi jaıly da sóz boldy. Kórermender nazaryna 100-den astam óner týyndylary usynylatyn bolady. Kórme 11-15 maýsym aralyǵynda jumys isteıdi. Kórme jumysyn 13 maýsymda Qazaqstan men Qytaıdyń basshylary aralap kóredi dep josparlanýda.
