Muhtar Áýezovtiń jeke zattary alǵash ret Semeıde kórmege qoıyldy
Abaıdyń «Jıdebaı-Bórili» memlekettik mýzeı-qoryǵynda «Abaı – meniń ómirlik taqyrybym...» atty kórmeniń ashylý saltanaty ótti. Biregeı jádigerler Almatydaǵy «Áýezov úıinen» ákelingen.
«Kórmede zańǵar jazýshy Muhtar Omarhanulynyń ómiri men shyǵarmashylyǵyna qatysty materıaldar men málimetter usynyldy. Onyń ishinde «Abaı joly» roman-epopeıasy qoljazbasynyń kóshirmeleri, shet elderden ákelingen kitaptar men jýrnaldar, shapan men kástóm, sondaı-aq «Abaı» jýrnalynyń túpnusqasynyń aýdarmalary bar», - deıdi mýzeı qyzmetkerleri.
Muhtar Áýezovtiń jeke zattary Semeıde alǵash ret kópshiliktiń nazaryna usynylyp otyr. Kórmeniń ashylý saltanatyna qala turǵyndary men qonaqtary, ustazdar, stýdentter jáne mektep oqýshylary qatysty. Kórme 12 qyrkúıekke deıin jalǵasady.