Muhtar Áýezov atyndaǵy teatrdyń 89-shy maýsymy «Júz jyldyq mahabbat» spektaklimen ashylady
ASTANA. QazAqparat - 21 qazan kúni Qazaqtyń Memlekettik Muhtar Áýezov atyndaǵy akademııalyq drama teatrynyń 89-shy maýsymy jańa premeramen ashylady.
Saltanatty ashylý rásimine keler jyly toqsan jyldyǵyn atap ótkeli otyrǵan óner ujymynyń seksennen astam ártisi qatyspaq.
Bıylǵy maýsymnyń alǵashqy qoıylymy jazýshy, dramatýrg Dýlat Isabekovtiń pesasy negizinde sahnalanǵan «Júz jyldyq mahabbat» spektakli bolmaq. Qoıýshy rejısser - Alma Kákisheva.
«Júz jyldyq mahabbat»- Alash ardaqtysy, sulýlyq pen mahabbattyń jalyndy jyrshysy Maǵjan aqynǵa arnalǵan. Basty rolder: Maǵjan - Almas Shaıahmetov, Zylıha - Dárııa Júsip.
Bul týraly teatrdyń baspasóz qyzmetinen habarlady.
