Muhtar Áýezov atyndaǵy Qazaq memlekettik akademııalyq drama teatry 85-shi maýsymyn aıaqtady
ATY. 29 maýsym. QazAqparat /Erlik Erjanuly/ - Almatydaǵy Muhtar Áýezov atyndaǵy Qazaq memlekettik akademııalyq drama teatry keshe 85-shi teatr maýsymyn "Abaı" tragedııasymen jaýyp, kezekti eńbek demalysyna ketti.
"Bul Muhtar Omarhanulynyń "Abaı" qoıylymynyń bizdiń teatrdaǵy 4-shi qoıylymy. Buǵan deıin ony 1940 jyldary Asqar Toqpanov, 1950 jyldary Ázirbaıjan Mámbetov qoıǵan edi. Bul jastarǵa arnalǵan jańa nusqasy. 85-shi teatr maýsymynda shyǵarmashylyq ujym "Tenderge túsken kelinshek", Jaýjúrek", "Kúlemiz be jylaımyz ba?", "Úılený" degen jańa shyǵarmalar men "Eńlik-Kebektiń" jańa nusqasyn kórermen nazaryna usyndyq", - deıdi teatr dırektory jáne kórkemdik jetekshisi Esmuqan Obaev. Onyń aıtýynsha, ótken maýsymda teatr Túrkııaǵa gastroldik sapar jasady. Demalystan oralǵan soń bir aıdan keıin qaıta jınalyp, 15 qyrkúıekten bastap Óskemen, Semeı qalalarynyń turǵyndaryna óz ónerin usynbaq.
