Muhtar Altynbaev Qaraǵandy oblysynyń Qurmetti azamaty atandy
QARAǴANDY. QazAqparat - Memleket jáne áskerı qaıratker, Halyq Qaharmany, armııa generaly Muhtar Altynbaev "Qaraǵandy oblysynyń Qurmetti azamaty" atandy, dep habarlady «QazAqparat» HAA tilshisi.
Muhtar Altynbaevqa bul ataqty berý týraly sheshim oblystyq máslıhattyń HІІІ kezekti sessııasynda qabyldandy.
Osyǵan deıin oblys ákimdigine Ulytaý aýdany ákimdiginiń apparaty jáne «Astana» Aımaqtyq qolbasshylyǵy armııa generalyna qurmetti azamaty ataǵyn taǵaıyndaý ótinishimen shyqqan bolatyn. 
Sondaı-aq Ardagerler qoǵamdyq uıymynyń Qaraǵandy oblystyq fılıaly Uly Otan soǵysynyń ardageri, Dańq ordeniniń tolyq kavaleri Kamalı Dúısembekovti osy ataqqa usyný týraly ótinish jasady. Sheshim biraýyzdan maquldandy.
