Muhtar Áblıazovti Qazaqstanǵa ekstradıtsııalaýy múmkin

ASTANA. QazAqpaart - Frantsııa Muhtar Áblıazovti Qazaqstanǵa qaıtaryp berýi múmkin. Ol úshin elimizdiń Bas prokýratýrasy bir top sarapshyny Parıjge jibermek. Otandyq prokýrorlar qashqyn bankırdi ekstradıtsııalaýǵa qatysty ekijaqty kelissóz júrgizýge daıyndalyp jatyr, dep jazady KTK.

«Úlken jumystar atqarylýda. Jaqyn kúnderi sarapshylardy Parıjge jiberemiz. Bizdiń mamandar eki el arasyndaǵy úsh kelisim boıynsha jumys isteýi tıis. Ázirge Frantsııa qarsylyq bildirgen joq, kelisim berýi kerek», - deıdi QR Bas prokýrorynyń orynbasary Iogann Merkel.

Astana men Parıj quqyqtyq kómek, ekstradıtsııa jáne sottalǵan azamattar jazasyn elde óteý úshin qaıtarý syndy úsh máseleni talqylaıdy. Óıtkeni qazir eki el arasynda mundaı kelisim joq. Sondyqtan, Frantsııa soty Muhtar Áblıazovti Reseıge qaıtaryp berý týraly sheshim shyǵarǵan edi. Al qashqyn bankırdi Máskeýden ózge Qazaqstan men Ýkraına da ekstradıtsııalýǵa ótinish bildirip otyr. Eks-bankırge úsh memlekettiń de quqyq qorǵaýshylary «alaıaqtyqpen aınalysty, jalǵan qujat jasady, qyrýar qarjy jymqyrdy» degen aıyptar taǵyp otyr.