Muhtar Ábilıazovtiń sybaılasy Grýzııadan ekstradıtsııalandy

NUR-SULTAN. QazAqparat - Bas prokýratýranyń, Sybaılas jemqorlyqqa qarsy is-qımyl agenttiginiń qyzmetkerleri Ulttyq qaýipsizdik komıtettiń járdemdesýimen Grýzııadan «BTA Banki» AQ-nyń burynǵy basqarma múshesi – Basqarýshy dırektory Asylmurat Ramazanovty ekstradıtsııalady, dep habarlaıdy QazAqparat Bas prokýratýranyń baspasóz qyzmetine silteme jasap.

Ol 249 mlrd teńgeden astam somaǵa BTA bankiniń aktıvterin Muhtar Ábilıazovtiń uıymdasqan qylmystyq qoǵamdastyǵy múshelerimen birlesip urlaǵany úshin izdestirilgen bolatyn.

Qylmystyq jaýaptylyqtan jaltarý maqsatynda Ramazanov Qyrǵyz Respýblıkasy azamatynyń jalǵan tólqujatyn paıdalanyp, Grýzııa aýmaǵynda jasyrynyp júrgen.

Alaıda qazaqstandyq quqyq qorǵaý organdarynyń grýzın áriptesterimen úılesimdi jumysynyń arqasynda ol qolǵa tústi.

Qazirgi ýaqytta Ramazanov Almaty qalasy tergeý ızolıatoryna qamaldy.