Muhtar Ábilıazovtiń halyqaralyq izdestirýde júrgen sybaılasy Qazaqstanǵa ákelindi

NUR-SULTAN. QazAqparat - Muhtar Ábilıazovtiń sybaılasy halyqaralyq izdestirýden elge qaıtaryldy. Bul týraly QazAqparat Sybaılas jemqorlyq agenttigine silteme jasap habarlaıdy.

«BTA-Bank» AQ burynǵy top-menedjmentine qatysty qylmystyq is boıynsha 2011 jyldan bastap izdeýde «Jańa Qalqaman» JShS ataýly dırektory Pak Vıtalıı Leonıdovıch boldy. 2006-2008 jyldar kezeńinde osy kompanııany zańsyz nesıeleý arqyly Muhtar Ábilıazov pen onyń sybaılastary 8,9 mlrd teńgeden astam somaǵa aqshalaı qarajatty urlady. 2019 jyly Pak Qytaı (Chendý q.) aýmaǵynda anyqtaldy. Kúdiktiniń jaqyn týystarymen jáne advokatymen tıisti túsindirý jumystary júrgizilgennen keıin, Pak Qazaqstanǵa oralýǵa nıet bildirip, ol týraly jazbasha ótinish joldady. Osy jyly 27 tamyzda QR ІІM Interpoldyń kómegimen Pak Chendý qalasynan Almaty qalasyna kelip, tergeý ızolıatoryna qamaldy. Sotqa deıingi tergeý jalǵasýda», - delingen habarlamada.