Muhtar Ábilázovtyń zańgeri Elena Tışenko Máskeýde qamaýǵa alyndy
MÁSKEÝ. 3 qyrkúıek. QazAqparat - Máskeýdiń Tver aýdandyq soty zańger Elena Tışenkony eki aıǵa qamaýǵa alý týraly sheshim shyǵardy.
Burynǵy bankır Muhtar Ábilázovtyń qurylymdarynyń múddelerin qorǵaýmen aınalysatyn Ýkraına azamatshasy Elena Tışenko 31 tamyz kúni Máskeý qalasyndaǵy "Balchýg" qonaq úıinde ustaldy. Ol munda Kıprden kelgen bolatyn. Tergeýdiń jobalaýynsha, E.Tışenko Máskeýge "BTA" bankiden urlanǵan qarjylardy zańsyz zańdastyrý, qaıta rásimdeý jáne olardyń alynýyna jol bermeý jónindegi sharalardy iske asyrý úshin arnaıy kelgen.
Máskeýdiń Tver aýdandyq sotynyń seısenbi kúngi otyrysy barysynda tergeýshiler E.Tışenkoǵa qatysty qamaýda ustaý túrindegi shara qoldaný jóninde ótinish bildirdi. Óıtkeni, ol erkindikte júrip, basqa da osy iske qatysty adamdarmen baılanys jasap, istiń qaralý úrdisine keri yqpal etýi múmkin. Ustalýshy RF Qylmystyq kodeksiniń "Alaıaqtyq" jáne "Qarjyny nemese basqa da múlikterti zańsyz zańdastyrý" sııaqty eki babynda qarastyrylǵan qylmysty jasady dep kúdiktelýde.
Pikirtalas barasynda E.Tışenko taǵylǵan aıypty tolyq jalǵan dep taýyp, eshqashan qylmystyq ispen, onyń ishinde qaıta rásimdeýmen aınalyspaǵandyǵyn jáne osy máseleler boıynsha múddeli adam emestigin atap ótti.
Qorǵaýshylar da ustalýshynyń dálelin qoldap, onyń bosatylýyn nemese úıdegi qamaqta ustaý túrinde jaza qoldanylýyn, eshqaıda ketpeý nemese 40 mln. rýbl kepildikpen bosatý týraly usynys aıytty. Sondaı-aq, pikirtalasqa qatysqan ustalýshynyń burynǵy zaıyby Sergeı Tışenko osy is boıynsha óziniń is-qımylyn naqty aıta almady, tek keshe ǵana tergeýshige jaýap bergendigin aıtty.
Otyrystyń qorytyndysy boıynsha, sot tóraǵasy Alekseı Krıvorýchko «1976 jyly týǵan Tışenko Elenaǵa qatysty 2013 jyldyń 31 qazanyna deıin qamaýda ustaý týraly» sheshim shyǵardy. Ol UQT quramynda jasalǵan qylmystyń aýyrlyǵyna baılanysty, budan jeńil shara qabyldaýdyń múmkin emes ekendigin túsindirdi.
6 mıllıard dollar urlady degen aıyptan keıin qashyp júrgen BTA banktiń burynǵy basshysy Muhtar Ábilázov Frantsııada, onyń zańgeri ýkraınalyq bıznesmen Sergeıdiń burynǵy áıeli Elena Tışenkony ańdý kezinde ustalǵan bolatyn. Qazirgi ýaqytta M.Ábilázov Frantsııada qamaýda otyr.
