Muhtar Ábilázov 40 mln dollarǵa taýyqtyń san etin qalaı «satyp aldy»
ASTANA. QazAqparat - Almaty qalasynyń qylmystyq ister jónindegi mamandandyrylǵan aýdanaralyq sotynda qashqyn bankır Muhtar Ábilázov pen onyń sybaılastaryna qatysty qylmystyq isti qaraý odan ári jalǵasýda.
Sottyń búgingi otyrysynda Muhtar Ábilázovtiń offshorlyq kompanııalaryn nesıeleý kestesine qatysty birneshe epızodtar qarastyryldy.
«2008 jyldyń shilde aıynda «Grove Services Inc» jáne «Daniels Tradekorp Inc» offshorlyq kompanııalary arasynda 50 myń tonna muzdatylǵan taýyqtyń san etin jetkizýge kelisim jasalady. Atap aıtarlyǵy, BTA bank atalǵan mámileni júzege asyrý úshin 40 mıllıon AQSh dollaryna nesıelik jelini iske qosady»,- dep habarlady sot otyrysynda jábirlenýshi taraptyń ókili Talǵat Amantaı.
«Taýyqtyń san etin jetkizý kestesi» kezdeısoq tańdap alynbaǵan bolatyn. BTA banktiń basshylyǵy osy kesteniń kómegimen eki kompanııanyń arasyndaǵy kommertsııalyq qarym-qatynasqa ekpin túsirýdi josparlaǵan. Alaıda, is júzinde «Daniels Tradekorp Inc» kompanııasynyń quryltaıshylyq qujattaryn №6 kooporatıvtik bıznes basqarmasynyń qyzmetkerleri daıyndaǵany málim boldy. Óıtkeni osy bólim ǵana bir kúndik is-áreket úshin qurylǵan kompanııalardy ashyp, Muhtar Ábilázovke tikeleı baǵynyshty bolǵan.
BTA banktiń ókili Talǵat Amantaıdyń aıtýynsha, kepilge qoıylǵan múliktiń bolmaýyna qaramastan, qarjylyq ınstıtýttyń basshylyǵy Muhtar Ábilázovtiń eki kompanııasyn 40 mıllıon AQSh dollaryna qarjylandyrý maqsatynda akkredıtıv (aqsha saqtaýshylarǵa saqtyq kassasynan beriletin aqsha qujaty - avtor.) jelisin ashady.
Sonymen qatar, «Daniels Tradekorp Inc» kompanııasynyń dırektory Suseth Walthia Parris-pen aradaǵy kelisim-shart jasalǵan kezde onyń ózi qatyspaǵan. Tipti osyndaı adamnyń ómirde bar-joqtyǵyna da kúmán bar. Bir anyǵy, nesıe beretin bólimniń músheleri de atalǵan kompanııanyń basshylyǵymen eshqashan kezdespegen. Al mámilege qajetti qujattardy Muhtar Ábilázovtiń sybaılastarynan alyp otyrǵan.
Atap aıtarlyǵy, sot otyrysynda sotqa túsinik bergen kýágerlerdiń (№6 kooporatıvtik bıznes basqarmasynyń qyzmetkerleri) barlyǵy búgingi tańda «Daniels Tradekorp Inc» kompanııasynyń merzimi ótip ketken úsh mindettemesi baryn habarlady. Máselen, №6 kooporatıvtik bıznes basqarmasynyń qyzmetkeri Irına Kanafına: «Daniels Tradekorp Inc» kompanııasynyń quryltaıshylyq qujattarynyń notarıaldyq rastalǵan kóshirmelerin №6 kooporatıvtik bıznes basqarmasynyń jetekshisi Svetlana Nachınkına men qujattyq-ınvestıtsııalyq bólimniń qyzmetkeri ıÝlıa Salıýlevadan nemese qujattama bóliminiń basqa qyzmetkerlerine alyndy. Quryltaıshylyq qujattardyń kóshirmesin akkredıtıv iske asyrylǵansha alyp úlgerdik»,-dep túsinik bergen. Onyń sotqa deıingi tergeýde bergen jaýabyn memlekettik aıyptaýshylar jarııa etti.
Túptep kelgende, Muhtar Ábilázov pen onyń sybaılastary taýyqtyń san etin satyp alý degen jeleýmen BTA bankten 40 mıllıon AQSh dollaryn jymqyrǵany belgili boldy.
Aıta ketelik, qashqyn bankır Muhtar Ábilázovtiń qylmystyq isi boıynsha basty sot otyrysy aǵymdaǵy jyldyń 3-inshi sáýirinde bastaldy. Qylmystyq istiń jalpy kólemi 2 224 tomnan turady. Aıyptaýshylar tiziminde 200-den astam kýágerler bar.
