Muhıtty plastıkten tazalaý múmkin be? - The Guardian
NUR-SULTAN. QazAqparat - Adamzat plastıktiń muhıt sýyna túspeýin qadaǵalaýǵa tyrysýda. «Degenmen, muhıtty tazalaý jobalarynyń da mańyzy zor» dep jazady The Guardian basylymy.
Maqalada jazylǵanyndaı, Gavaı araldarynda ınjenerler men ǵalymdar toby uzyndyǵy 600 metr bolatyn qoqys jınaıtyn qurylǵyny ornatqan. 2018 jyldyń jeltoqsanynda bul qurylǵy ekige bólinip ketkendikten alynyp tastalǵan edi.
«Muhıtty qoqystan tazalaý jobasy 2017 jyly mamyr aıynda qolǵa alyndy. Jobany teńiz ǵalymdary men ekologııalyq toptar qatty synǵa alǵan bolatyn. Degenmen, The Ocean Cleanup jobasy plastıkpen lastaný kórsetkishin azaıtyp jatqanyna senimdiler qatary kúnnen kúnge artyp keledi» dep jazady basylym.
Maqala avtorynyń jazýynsha, plastık qoqystar muhıt pen muhıttaǵy tirshilik úshin óte qaýipti.
«BUU málimetterine sensek, jyl saıyn teńizge 8 mln. tonna plastık qaldyqtary laqtyrylady. Sol sebepti muhıtty plastıkten tazartý ıdeıasynyń ózi aqylǵa syımaıdy» depti avtor.
