Muhıttardy qorǵaý týraly tarıhı kelisim bekitildi

NЬıÝ-IORK. QazAqparat – BUU-ǵa múshe 100-den astam eldiń ókilderi muhıttardy qorǵaý týraly tarıhı kelisim bekitti, dep habarlaıdy QazAqparat Euronews-ke silteme jasap.

Zańdy mindetteme júkteıtin qujat júzinde osy onjyldyqtyń aıaǵyna deıin álemdegi muhıttardyń 30%-y qorǵalatyn aýdandarǵa aınalýy kerektigi qarastyrylady.

Ekonomıkalyq aımaqtar aýmaǵynan tys ashyq muhıt álemdegi muhıttardyń úshten eki bóligin alyp jatyr. Ol balyq aýlaýdy qoldaý, ekojúıelerdi qamtamasyz etý jáne klımattyq daǵdarys saldaryn jumsartýda mańyzdy ról atqarady. Biraq, qazir bul keńistiktiń tek 1%-dan sál astamy ǵana qorǵalady.

Mundaı qujat bekitý ıdeıasy 2002 jyly paıda bolǵan. Kelissózder uzaq ári kúrdeli júrgizildi.

Belsendi ekologter kelisimniń júzege asyrylýy klımattyń ózgerýimen kúresý jáne bıoalýantúrlilikti saqtaýdaǵy mańyzdy faktorlardyń biri dep sanaıdy.

Alaıda, qujatty áli BUU-ǵa múshe memleketterdiń árqaısysy ratıfıkatsııalaýy qajet.