Muhıtqa qaraı aqqan seń ústindegi bala qutqaryldy
ASTANA. QazAqparat - TJM qyzmetkerleri tórtinshi synyp oqýshysyn muhıtqa bet alǵan seń ústinen qutqaryp qaldy, dep habarlady sársenbi kúni Kamchatka ólkesiniń Bas basqarmasy.
«Balalardyń biri - tórtinshi synyp oqýshysy Dmıtrıı muzǵa sekirip túsken. Ol mingen seń jaǵadan alystaı bastaǵan», - delingen habarlamada.
Oqıǵa seısenbi kúni Vılıýchınsk qalasynda bolǵan, bir top bala Krashenınnıkov aılaǵyndaǵy pırs mańynda oınap júrgen.
Kýágerler TJM habarlasqan jáne 15 mınýttan keıin Shaǵyn qaıyqtar jónindegi memlekettik ınspektsııa qyzmetkerleri keldi. Bul ýaqytta seń men bala jaǵadan 150 metrge uzap ketken edi.
Qutqarýshylar eskekti qaıyqpen balany qýyp jetti. Bala jaǵaǵa aman-esen jetkizildi, medıtsınalyq kómek qajet bolǵan joq.
