Muhıt Tursynov Qazaqstan Barysy týrnırin erte aıaqtady
NUR-SULTAN. QazAqparat – Qazaqstan Barysy H respýblıkalyq týrnırinde 2014 jylǵy Qazaqstan Barysy ataǵynyń ıegeri Muhıt Tursynov jarysty erte aıaqtady, dep habarlaıdy QazAqparat tilshisi.
Týrnırdiń alǵashqy aınalymynda ol bıylǵy «Ásker barysy», eki dúrkin fınalıst Erasyl Qajybaevpen kezdesti. 4 mınýtqa sozylǵan beldesýde Muhıt Tursynov qarsylasyna búk upaımen jol berdi.
Bıylǵy týrnırde Muhıt Tursynovtan bólek, týrnır jeńimpazdary Aıbek Nuǵymarov pen Elaman Erǵalıev qatysyp jatyr.
Eske salsaq, bıyl týrnırdiń birinshi oryn ıegerine 25 mln teńge, bapkerine 3 mln 500 myń teńge. Ekinshi oryn ıegerine 5 500 myń teńge, bapkerine 1 800 myń teńge. Úshinshi oryn ıegerine 1 800 myń teńge beriledi.
