Muhıt túbinde úlkendigi avtobýstaı kalmarlar tirshilik etýi múmkin
ASTANA. QazAqparat - Shotlandııanyń Sent-Endrıýs ýnıversıtetiniń bıolog ǵalymdary muhıt túbinde úlkndigi avtobýstaı kalmarlar tirshilik etýi múmkin ekenin anyqtady.
Zertteýshiler bul pikirge statıstıkalyq esepteriniń negizinde keldi. Olar alyp teńiz qubyjyqtary bar ekenin kórsetti. Bul týraly Atlant muhıty jaǵalaýyndaǵy aýdandardyń turǵyndary da talaı ret aıtqan.
Bıologtar 160 teńiz mekendeýshisinen turatyn «málimetter bazasy» jınalǵan kópjyldyq zertteýlerin saralady. Olardyń kólemi, sondaı-aq dene bólikteriniń kólemi negizinde ǵalymdar muhıtta mekendeıtin alyp kalmarlardyń kólemin anyqtaýǵa múmkindik beretin kompıýterlik modeldi qurady.
Zertteýshilerdiń málimdemesi boıynsha, teńiz faýnasynyń alyp ókilderiniń kólemi avtobýs nemese iri júk kólik sııaqty bolýy múmkin. Bul rette kalmardyń uzyndyǵy shamamen 20 metrdi quraýy yqtımal. Bıologtardyń pikirinshe, osyndaı kólem olarǵa kashalottardan qorǵanýǵa múmkindik beredi, dep jazady russian.rt.
