Muhammedáli Mahmut eresekter arasynda alǵash ret el chempıony atandy

ASTANA. KAZINFORM — Taekvondodan Qazaqstan chempıonatynda Muhammedáli Mahmut alǵash ret eresekter arasynda top jardy. Osylaısha ol birneshe kún buryn altyn medal ıelengen egiz syńary Nuráliniń jetistigin qaıtalady. Bul týraly Týrızm jáne sport mınıstrligi málim etti.

Muhammedáli Mahmut eresekter arasynda alǵash ret el chempıony atandy
Foto: Týrızm jáne sport mınıstrligi

Almaty qalasyndaǵy Balýan Sholaq atyndaǵy sport saraıynda taekvondodan eresekter arasyndaǵy Qazaqstan chempıonatynyń sheshýshi jarys kúni ótti.

Sońǵy kúni tatamı sheberleri qalǵan 5 salmaqta synǵa tústi. Osydan keıin jalpykomandalyq eseptegi úzdikter anyqtaldy. Erler arasynda Muhammedáli Mahmut alǵash ret eresekter sanatynda el úzdigi atandy. Birneshe kún buryn egizderdiń syńary Nuráli 58 kg deıingi salmaqta altynnan alqa taqqan.

Qazaqstan chempıonatynyń sheshýshi jarys kúniniń nátıjesi:

Erler, -63 kg:

  • Muhammedáli Mahmut (Almaty qalasy)
  • Abylaıhan Mergenbaı (Mańǵystaý oblysy)
  • Temirbaı Nurdáýlet (Jambyl oblysy)
  • Azım Nııazov (Almaty qalasy)

Erler, -80 kg:

  • Batyrhan Kúsetov (Almaty qalasy)
  • Abdýrahmon Marıpov (Shymkent qalasy)
  • Álisher Ǵalıev (Aqtóbe oblysy)
  • Álibek Ermekbaı (Ulytaý oblysy)

Erler, -87 kg:

  • Nurlan Myrzabaev (Túrkistan oblysy)
  • Meıir Nurǵazın (Almaty oblysy)
  • Daryn Manasuly (Astana qalasy)
  • Bekzat Ǵazız (Túrkistan oblysy)

Áıelder, -53 kg:

  • Nodıra Ahmedova (Shymkent qalasy)
  • Aıdana Súndetbaı (Almaty oblysy)
  • Sabına Qasymova (Almaty oblysy)
  • Nazmına Sadykova (Shymkent qalasy)

Áıelder, -57 kg:

  • Jazıra Issına (Aqtóbe oblysy)
  • Marııa Sevostıanova (Atyraý oblysy)
  • Toǵjan Qaznabek (Astana qalasy)
  • Almıra Qanat (Mańǵystaý oblysy)

Osymen 3 kúnge sozylǵan chempıonat máresine jetti. Barlyǵy erler men áıelder arasynda 16 salmaqta júlde sarapqa salyndy.

Aıta keteıik, Batyrhan Tóleýǵalı Azıada-2026 oıyndarynyń qola júldegeri atanǵan bolatyn.