Muhammed Paıǵambardy túrmege otyrǵyzýǵa daıyn ekenin aıtqan Mysyr mınıstri qyzmetinen bosatyldy
ASTANA. QazAqparat - Mysyr eliniń Ádilet mınıstri Ahmed Zınd telearnalar efıriniń birinde eger zańdy buzsa, Muhammed Paıǵambardyń (s.ǵ.s.) ózin túrmege otyrǵyzýǵa daıyn ekeni týraly málimdegen. Bul týraly Bı-bı-sı habarlaıdy.
Sheneýnik sózin aıtqan soń, birden: «Keshire gór, Alla» dep, kelesi kúni resmı túrde keshirim surady. Alaıda Mysyrdyń premer-mınıstri ony qyzmetinen bosatty.
Mysyrdyń sot qaýymdastyǵy osyndaı sheshimge syn aıtty. Olardyń biri bul jaı ǵana sóz ekenin, sheneýnikti sol úshin qyzmetten bosatý durys bolmaǵanyn aıtty.
Mysyrdyń burynǵy Ádilet mınıstri ótken jyldyń mamyr aıynda tek syıly ortadan shyqqandar ǵana sýdıa bola alatynyn, al bul jumysqa laıyqty emesterdi qoqysshylardyń balalary degen pikir aıtqan soń qyzmetinen aıyryldy.
