Muhammed Álıdiń nemeresi kásibı rıngke shyǵýǵa bel býdy
NUR-SULTAN. QazAqparat – Aýyr salmaqta burynǵy álem chempıony Muhammed Álıdiń nemeresi Nıko Álı Ýolsh 14 tamyzda kásibı rıngke shyǵady, dep habarlaıdy QazAqparat Sports.kz saıtyna silteme jasap.
Top Rank kompanııasy Ýolshtyń judyryqtasýyn Endrıý Molonıdiń Djoshýa Frankoǵa qarsy jekpe-jeginiń anderkardynda ótkizedi.
Top Rank basshysy Bob Arým promoýterlik mansabyndaǵy alǵashqy jekpe-jekti Muhammed Álı úshin 1966 jyly uıymdastyrǵan.
«Atam meniń promoýterlikke Bob Arýmnan basqa eshkimdi qalamaǵanyn naqty bilemin. Sizder Don Kıngtiń meniń atammen jáne Maık Taısonmen qalaı aralasqanyn kórdińizder, boksta kóp adamǵa sene berýge bolmaıdy, al Bob Arým bolsa – tek boksta emes, jalpy alǵanda, bızneste bedelge ıe adam. Men árqashan Top Rank-tiń bir bóligi bolǵym kelgen. Bul – men úshin úlken qurmet», - dedi Ýolsh.
