Muhammed Álıdiń qolǵaptary 836 myń dollarǵa satyldy
ASTANA. QazAqparat - AQSh-ta ótken bássaýdada aty ańyzǵa aınalǵan boksshy Muhammed Álıdiń qolǵaptary $836 myńǵa satyldy, dep jazady Ýtro.rý.
Ataqty sportshy 1964 jyly naq osy qolǵaptardy kıip judyryqtasqanynda aýyr salmaq boıynsha álem chempıony ataǵyn ıelengen bolatyn.
Saýda aldynda bul qolǵaptar quny shamamen jarty mıllıon dollarǵa baǵalanǵan edi. Lotqa barlyǵy 11 satyp alýshy qatysqan. Qundy qolǵap ıesiniń esimi qupııa saqtalyp otyr.
