Muhammed Álıdiń ıslamdy qabyldaǵany týraly hat pen onyń chempıondyq belbeýi bássaýdada satylady
ASTANA. QazAqparat - Aty ańyzǵa aınalǵan boksshy Muhammed Álıge tıesili birneshe ondaǵan zattar AQSh-ta Heritage bássaýdasyna qoıylady.
Bul týraly Reuters agenttigi habarlady.
Saýda-sattyqqa qoıylǵan zattardyń ishinde Álıdiń Djordj Formandy jeńgennen keıin 1974 jyly utyp alǵan Dúnıejúzilik boksshylar keńesi tujyrymy boıynsha aýyr salmaqtaǵy álemniń absolıýtti chempıonynyń belbeýi de bar. Bássaýda uıymdastyrýshysy ony 600 myń AQSh dollaryna satpaqshy.
Tarıhqa «Djýnglıdegi shý» retinde engen Formanǵa qarsy aıqasta kıgen boksshynyń qolǵaby, sholaq shalbary da satylady. Birinshi lot 100 myń dollardaı, ekinshisi - 150 myń dollar ákeledi dep kútilýde.
Taǵy da bir qundy lot 1964 jyly aqpanda olarǵa Life jibergen boksshynyń haty. Onda Kassıýs Kleı ıslamdy qabyldaýǵa jáne esimin ózgertýge sebep bolǵan játter sóz bolady. Heritage Auctions ókilderiniń aıtýynsha, hat 100 myń dollarǵa satylýy múmkin.
Muhammed Álı 75-ke qaraǵan shaǵynda 3 maýsymda qaıtys boldy. Óziniń kásibı mansabynda Álı 61 aıqas ótkizdi. Onyń ishinde 5 ret utylsa, 56 ret jeńiske jetti.
