Muhammed Álıdiń bylǵary qolǵaby bássaýdaǵa shyǵarylady
ASTANA. QazAqparat - Muhammed Álıdiń chempıondyq tıtýldy alǵash ret qorǵaǵan kezde kıgen bylǵary qolǵaby bássaýdaǵa shyǵarylady, dep habarlady Associated Press. Saýdany Heritage Auctions aýktsıon úıi 21 aqpanda Nıý-Iorkte ótkizedi. Ol mıllıon dollardan astam qarajatqa satylady dep kútilýde.
1965 jyly 25 mamyrda Kassıýs Kleı atymen shyǵyp júrgen aýyr salmaqtaǵy Álı osy qolǵapty kıip Sonı Lıstondy jeńgen. Birinshi kezeńde Álı qarsylasyn nokaýtqa jibergen.
2014 jyldyń tamyzynda Klıvlendtegi bássaýdada Álıdiń Djo Freızermen kezdeskende kıgen qolǵaby satylǵan. Belgisiz bireý bul lotty 388,3 myń dollarǵa satyp alǵan.
Ótken jyldyń aqpanynda alǵash ret aýyr salmaqtaǵy álem chempıony atanǵan jekpe-jekte kıgen qolǵaby 836,5 myń dollarǵa satylǵan.
Muhammed Álı 1964 jyldan 1966 jylǵa deıin, keıin 1974-1978 jyldary aralyǵynda aýyr salmaqtaǵy álemniń absolıýtty chempıony bolǵan. 1960 jyly 81 keli salmaqqa deıingi dárejede olımpıada chempıony atanǵan.
