Muhammed Álıdiń boks qolǵaby 1 mln dollarǵa satylýy múmkin
ASTANA. QazAqparat - Muhammed Álıdiń Djo Freızerden jeńilgen aıqasta, «Jyl jekpe-jegi» atanǵan (1971 j.) kezdesýde kıgen boks qolǵaby 1 mıllıon dollardan astam baǵaǵa satylýy múmkin.
Boksshy qolǵabyn Goldin Auctions saıty osylaı baǵalap otyr.
Eń tómengi mólsherdegi qolǵap quny 250 myń dollar bolǵan. «Mundaı qolǵaptar (Muhammed Álıdiń) mıllıondarǵa satylǵan. Jáne bul Muhammed Álı qaıtys bolǵansha satylǵan baǵalar», - dedi aýktsıon basshysy Ken Goldın Reıter agenttigine.
1971 jyldyń naýryz aıynda Muhammed Álı alǵash ret Djo Freızerge qarsy rıngke shyqty. «Rıng» jýrnaly bul kúresti «Jyl jekpe-jegi» dep atady. 15-raýndta Muhammed Álı nokdaýnǵa tústi, kúres aıaqtalǵanda tóreshiler ony jeńildi dep sheshti. Bul Muhammed Álı mansabyndaǵy jalǵyz jeńilis.
Muhammed Álı 3 maýsym kúni 74 jasynda AQSh-ta, Fınıks aýrýhanalarynyń birinde dúnıe saldy. Djo Freızer 2011 jyldyń 7 qarashasynda Fıladelfııada qaıtys boldy.
