Muhammed Alıdiń aqyrǵy kúnderi taıaý
ASTANA. 4 aqpan. QazAqparat - Ataqty boksshy Muhammed Alı qaýipti syrqatqa shaldyqty jáne taıaý ýaqytta jaryq dúnıeden ozýy múmkin.
Bul týraly Daily Mail boksshynyń aǵasy Rahman Alıge silteme jasap jazady.
Rahmannyń aıtýynsha, qazir 71 jastaǵy chempıonnyń sóıleýge qaýhary joq jáne aǵasyn tanýdan qalǵan. Muhammed Alı «birneshe aıdan soń, múmkin birneshe kúnnen soń qaıtys bolýy múmkin», - dep qosty ol.
Sportshynyń zaıyby oǵan týǵandaryn kirgizbeýde jáne onyń qazirgi jaǵdaıyna qatysty eshbir pikir bildirmeýde. «Alı máńgilik adam. Onyń esimi ǵasyrlar boıy saqtalady», - deıdi Rahman. Ol sondaı-aq M.Alı buǵan deıin óziniń qabirinde Martın Lıýter Kıngtiń: «Men jalańashtardy kıindirýge tyrystym, ashyqqandardy tamaqtandyrýǵa tyrystym» degen sózderi jazylýyn qalaǵandyǵyn jetkizdi.
M.Alı 1942 jyly 17 qańtarda Lýısvıllde dúnıege keldi. Orta aýyr salmaqta Olımpıada chempıony, kásibıler arasynda aýyr salmaqta úsh dúrkin álem chempıony. Sońǵy 27 jyl boıy boksshy Parkınson syrqatymen aýyrady.
