Muhammed Álı juma kúni Kentýkkıge jerlenedi
ASTANA. QazAqparat - Marqum Muhammed Álıdiń denesi aldaǵy juma kúni Kentýkkı shtatynyń Lýısvıll qalasynda jer qoınyna beriledi. Qaraly jıynda sońǵy sózdi AQSh-tyń burynǵy Prezıdenti Bıll Klınton aıtady, dep habarlady Bı-bı-sı baqılyq bolǵan boksshynyń baspasóz hatshysyna silteme jasaı otyryp.
Jerleý rásimi birneshe tilde ınternet arqyly translıatsııalanady.
30 jyldan astam Parkınson dertimen arpalysyp, ańyzǵa aınalǵan bylǵary qolǵap sheberi Muhammed Álı 75 jasynda ómirden ozdy.
Ol óziniń 25 jyldyq sport mansabynda 56 ret jeńiske jetti, onyń 37-si - nokaýt. Ol - aýyr salmaqta úsh dúrkin álem chempıony atanǵan jalǵyz boksshy.
