Muhammed Álı Twitter-de óziniń birinshi jazbasyn jarııalady
ASTANA. QazAqparat - Áıgili boksshy Muhammed Álı Twitter mıkroblogynda birinshi jazbasyn jarııalady. Ony ol óziniń chempıondyq tıtýlynyń 50 jyldyq mereıtoıyna oraılastyrǵan, dep habarlady "Vestı.Ru".
«Sonnı Lıstoıanǵa qarsy kezdesýde men búkil álemdi tań qaldyrdym. Sodan 50 jyl ótkennen keıin men Twitter-di paıdalanýdy bastadym»,- dep jazypty Muhammed Álı. 72 jastaǵy Muhammed Álı sonymen birge, óziniń birinshi ret álem chempıony atanǵan kezdegi qarsylasymen ótken kezdesýdegi sýretterine silteme salyp qoıǵan.
1960 jylǵy Olımpıadadaǵy aýyr salmaqtaǵy chempıon, kásibı sportshylar arasyndaǵy aýyr salmaqtaǵy úsh dúrkin álem chempıony 1942 jyly 17 qańtarda Lýısvıllede dúnıege kelgen. Óziniń birinshi chempıondyq tıtýlyn Muhammed Álı 1964 jyly 25 aqpanda Sonnı Lıstonmen ótken kezdesýde jeńip aldy. Óziniń kásibı mansabynda Muhammed Álı 61 kezdesý ótkizip, 56 ret jeńiske jetip, bes ret utylǵan. 1984 jyldan beri Muhammed Álı Parkınson dertine shaldyqqan.
