Muhammed Álı óz densaýlyǵynyń nasharlap ketkeni týraly aqparatty teriske shyǵardy
ASTANA. QazAqparat - Álemge áıgili amerıkandyq boksshy Muhammed Álı óziniń densaýlyǵy kúrt nasharlap ketti degen aqparatty joqqa shyǵarýda, dep habarlaıdy The Daily Mail.
«Qańqý sózderge senbeńizder. Men ózimdi tamasha sezinemin», - deıdi 72 jastaǵy boksshy.
13 qazan kúni Álıdiń densaýlyǵynyń nasharalaýy sebepti ol óz ómiri týraly fılmniń tusaýkeserine kele almady degen aqparat taraǵan edi. Sportshynyń inisi Rahman Álı aǵasynyń sóıleýge múmkindigi joq aýyr jaǵdaıda ekenin aıtqan bolatyn. Bıylǵy jyldyń basynda Álıdiń uly da ákesiniń haliniń nasharlap ketkenin, onyń jyl sońyna deıin ómir súrýine kúmándanatynyn aıtqan edi. Aıta keteıik, ataqty boksshy 30 jyldan beri Parkınson aýrýyna shaldyqqan. Bul dert jazylmaıdy, al barlyq emdeý tásilderi tek onyń sımptomdaryn jeńildetýge baǵyttalady.
