Muhammed Álı - «Álem boksynyń koroli»
ASTANA. 4 jeltoqsan. QazAqparat - Aty ańyzǵa aınalǵan boksshy Muhammed Álı «Álem boksynyń koroli» degen ataqqa ıe boldy.
Amerıkalyq bylǵary qolǵap sheberin marapattaý saltanaty Meksıkanyń Kankýn qalasynda ótti, dep habarlaıdy BAQ.kz.
Rásimge Dúnıejúzilik boks keńesiniń aýyr salmaqtaǵy chempıony Vıtalıı Klıchko men Meksıkanyń alty dúrkin álem chempıony Chaves qatysty. Parkınson dertine shaldyqqan Muhammed Álı saltanat barysynda sóz sóılegen joq.
Muhammed Álı bıyl 70-ke toldy. Ol, 1960-1981 jyldary kásibı rıngke 67 márte shyǵyp, sonyń 37-de qarsylasyn nokdaýndpen utqan . Al, 1999 jyly oǵan «Ǵasyr sportshysy» degen ataq berildi.
