Muhamedıulyna qatysty is boıynsha sotqa Tuńǵyshbaı Jamanqulov shaqyrtylýy múmkin

ASTANA. QazAqparat – Burynǵy Mádenıet jáne sport mınıstri Arystanbek Muhamedıulyna qatysty is boıynsha kúdikti dep tanylǵan Exponat kompanııasynyń ókili Azamat Kóshenov sotta Tuńǵyshbaı Jamanqulovtan jaýap alýdy surady, dep habarlaıdy QazAqparat tilshisi.

Aıta keteıik, búgin Astanada Arystanbek Muhamedıulynyń isine qatysty sot bastaldy.

«Sotqa Tuńǵyshbaı Jamanqulovty shaqyrý týraly ótinishim bar. Bul isti tergeý kezinde onyń málimdemesi qamtylǵan edi. Ol buqaralyq aqparat quraldarynda A. Muhamedıulymen baılanysym týraly jarııalady. ıAǵnı, bul turǵyda jalǵan aqparat berdi. Sondyqtan óz málimdemesin túsindirsin. Osy oraıda ony sot otyrysyna kýáger retinde shaqyrtqymyz keledi», - dedi A. Kóshenov elordada ótip jatqan sot otyrysy kezinde.

Óz kezeginde prokýror akter T. Jamanqulovty sotqa shaqyrtýǵa negiz joq ekenin aıtty.

Jaqynda bıýdjet qarajatyn talan-tarajǵa salý aıyby taǵylǵan A. Muhamedıuly, A. Nurazhan, A. Kóshenov jáne A. Sadýaqasovany aıyptaý boıynsha qylmystyq is Baıqońyr aýdandyq №2 sotyna tústi.