Muhamedıuly Ýnıversıadaǵa qatysatyn qazaqstandyq sportshylarǵa sáttilik tiledi
ALMATY. QazAqparat - Búgin Qazaqstan Respýblıkasynyń Mádenıet jáne sport mınıstri Arystanbek Muhamedıuly Atletıkalyq qalashyqqa bardy. Mınıstr qazaqstandyq sportshylarmen kezdesip, olardyń turyp jatqan jerimen tanysty, dep habarlaıdy «QazAqparat» HAA tilshisi.
«Qandaı tilekterińiz bar? Taǵy ne qajet? Biz úshin sizderdiń jaqsy kóńil-kúımen jarysqa daıyndalǵandaryńyz mańyzdy. Bıletterdiń barlyǵy satylyp ketkendiginen habardar bolarsyzdar, bul - Qazaqstannyń sportqa degen qyzyǵýshylyǵynyń dáleli», - dedi Arystanbek Muhamedıuly Qazaqstan quramasynyń sportshylaryna.
Mınıstr barlyq qyzmettiń oıdaǵydaı jumys jasap jatqandyǵyn atap ótip, bizdiń sportshylarǵa tabys tiledi.
«Sizderge sáttilik tileımiz, jeńiske jetińizder», - dep tilek bildirdi Arystanbek Muhamedıuly Ýnıversıada-2017-ge qatysatyn qazaqstandyq sportshylarǵa.
