Muhamedıuly men Túımebaev halyqtyń arasynda bılep júr
ASTANA. QazAqparat - Kıeli Túrkistanda toılanǵan Naýryz merekesiniń dronmen túsirgen vıdeosy jelige júkteldi. «Túrkistan - Túrki áleminiń mádenı astanasy» jylynyń aıasynda toılanǵan bıylǵy Naýryz qazaqstandyqtardyń erekshe yqylasyna ıe boldy, dep habarlaıdy QazAqparat.
Vıdeony Ońtústik Qazaqstan oblysynyń ákimdigi júktegen. Rolıkten kórip otyrǵanymyzdaı, Túrkistandaǵy Naýryzda Mádenıet jáne aqparat mınıstri Arystanbek Muhamedıuly men oblys ákimi Janseıit Túımebaev halyqpen birge bı bılep, án salyp júr.
Esterińizge sala keteıik, 21 naýryz kúni oblys ákimi Janseıit Túımebaev «Túrkistan - Túrki áleminiń mádenı astanasy» sharasyn saltanatty túrde ashyp berip, Naýryz merekesine arnalǵan Túrki áleminiń «Naýryznamasyna» qatysqan bolatyn.
Jalpy, kıeli Túrkistan tórindegi dúbirli sharaǵa 23 memleketten kelgen 300-ge tarta sheteldik qonaqtar, halyqaralyq uıym ókilderi, qazaqstandyq zııaly qaýym jáne óner tulǵalary, buqaralyq aqparat quraldary men ońtústikqazaqstandyq turǵyndar, ıaǵnı, jalpy sany 10 myńǵa jýyq adam qatysty. Olardyń ishinde, QR Mádenıet jáne sport mınıstri Arystanbek Muhamedıuly men «TÚRKSOI» Halyqaralyq Uıymynyń Bas hatshysy Dúısen Qaseıinov jáne ár eldiń joǵary laýazymdy resmı ókilderi bar.
