Muhamed Álı, Brıýs Lı syndy ataqty sportshylardy jattyqtyrǵan Djýn Rı Almatyǵa kelmek
ALMATY. QazAqparat- Almaty qalasyndaǵy «Dostyq» sport kesheninde aldaǵy 12-15 shilde aralyǵynda Djýn Rı taekvondodan (Jhoon Rhee taekwando) birinshi ashyq álem birinshigi ótedi. Bul týraly búgin QazAqparat agenttigine belgili bıznesmen jáne metsenat, QR Djıý-djıtsý federatsııasynyń prezıdenti Dáýren Musa habarlady.
Onyń aıtýynsha, jarysqa jaqyn jáne alys shet elderden shamamen 300 jýyq sportshy qatysady.
«Eń bastysy Djýn Rıdiń ózi keledi dep kútilýde. Ol - aty ańyzǵa aınalǵan tulǵa, 10-shy dannyń qara belbeýiniń ıegeri. Sonaý 1957 jyly AQSh-ta alǵashqy taekvondo mektebin ashqan adam. Osylaısha ol kıkboksıng, akınado, hapkıdo sekildi jekpe-jek ónerleriniń paıda bolýyna septigin tıgizdi. Sonymen qatar Djýn Rı kezinde Muhamed Álı, Brıýs Lı sekildi ataqty sportshylardy jattyqtyrǵan», - dedi Dáýren Musa. Atalmysh sharanyń maqsaty - jastar arasynda osy bir jekpe-jek ónerin barynsha nasıhatattý jáne ár elden kelgen bapkerlerge ózara tájirıbe almasýǵa jol ashý. Álem birinshiliginiń basty uıymdastyrýshysy - Qazaqstandyq «Djýn Rı taekvondo» akademııasy.
