Múgedektiń arbasyn tartyp alǵan turǵyn ustaldy
TALDYQORǴAN.QazAqparat - Almaty oblysynda múgedek arbasyn tartyp alǵan turǵyn ustaldy. 28 jastaǵy kúdikti azamat mundaı qadamǵa týysy úshin barǵanyn aıtty, dep habarlaıdy QazAqparat tilshisi.
Oqıǵa Eńbekshiqazaq aýdanynda bolǵan. Birinshi toptaǵy múgedek, bir aıaǵynan aırylǵan azamattan arbasyn belgisiz bireý tartyp alǵan. Jergilikti polıtseıge aryzdanǵan 50 jastaǵy jəbirlenýshiniń sózinshe, onyń zatyn kóshede kúshtep alyp ketken.
«Turǵynnyń aryzynan keıin birden izdestirý jumystary bastaldy. 28 jastaǵy Esik qalasynyń turǵyny kúdikti retinde anyqtaldy. Onyń úıin tintý barysynda múgedek arbasy tabyldy. Qazir ol zat óziniń ıesine qaıtaryldy»-dedi oblystyq ІІD baspasóz qyzmetindegiler.
Múgedektiń zatyn kúshtep əketken turǵyn urlyqty ishimdik iship jasaǵanyn aıtty jəne ol arbany óziniń múgedek týysyna syılaýdy kózdepti. Qazir «Tonaý» faktisi boıynsha tergeý jumystary jalǵasýda. Kúdikti arnaıy qolhat arqyly jiberildi.
