Múgedektikke qatysty ómir qıyndyǵymen kúresý bárimizge ortaq paryz bolýy kerek - N. Orazalın
ASTANA. QazAqparat - Múgedektik deıtin taǵdyr taýqymetimen, ómir qıyndyǵymen kúresý bárimizge ortaq paryz bolýy kerek. Búgin Parlament Senatynyń jalpy otyrysynda depýtat Nurlan Orazalın osylaı málim etti.
Eske salaıyq, Senat «Múgedekterdiń quqyqtary týraly konventsııany ratıfıkatsııalaý týraly» QR Zańyn qabyldaǵan bolatyn.
«Qazaqstan birtutas álemniń ajyramas bóligi ekeni belgili. Al myna ratıfıkatsııa sol tutastyqtyń nyshany ári kele jatqan ǵalamdyq qaterdi aldyn alýdyń belgisi dep bilýimiz kerek. Eshkim múgedek bolǵysy kelmeıdi. Degenmen, bireýge tekten, bireýge orynsyz is pen júgensiz júristen buıyrǵan múgedektik deıtin taǵdyr taýqymetimen, ómir qıyndyǵymen kúresý bárimizge ortaq paryz. Adam balasy ózine qamqorlyq kórsetilip, azamattyq quqynyń qorǵalyp qoǵamdaǵy orny bar ekenin sezinýi arqyly úmiti oıanyp, sezimi bekıdi», - deıdi senator N. Orazaın. Onyń sózine qaraǵanda, múgedekter quqyqtary týraly konventsııany ratıfıkatsııalaý Qazaqstandaǵy 627 myń múgedekke, olardyń konstıtýtsııalyq quqyqtary men bostandyqtaryn júzege asyrýǵa jáne qorǵaýǵa barynsha kepildik beredi.
«Qazaqstandaǵy 627 myń múgedektiń 24 paıyzy nemese 150 myńy zeınetker, 69-myńy nemese 1 paıyzǵa jýyǵy balalar, 4-myń bala týa bitken múgedekter. Osy sandardyń ózi bizdiń múgedekterge qanshalyqty mán berýge tıis ekenimizdi ańǵartyp otyr», - dedi N. Orazalın.
