Múgedektigi bar jandarǵa ıAndeks taksı qyzmeti qoljetimdi bolady

ASTANA. QazAqparat – Múgedektigi bar jandarǵa ıAndeks taksı qyzmeti qoljetimdi bolady. Bul týraly Úkimet otyrysynda Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.

«Mentaldy aýrýy bar balalardy shıpajaılyq-kýrorttyq emdeý Densaýlyq saqtaý mınıstrligimen birlese otyryp, pılotty túrde júrgiziletin bolady. Aldymyzdaǵy jarty jyldyqta óńir basshylary osy sanattaǵy 1126 balany shıpajaıda emdeýdi qarastyryp, qajetti qarajat bóldi», - dedi ol.

Mınıstr aldaǵy ýaqytta múgedektigi bar jandarǵa ıAndeks taksı qyzmet kórsetetindigin atap ótti.

«Sonymen qatar ınvataksı máselesin túpkilikti sheshý úshin ıAndeks taksımen kelissózder júrgizildi. Almaty, Astana qalalarynda osy platforma qyzmeti múgedektigi bar azamattar úshin qoljetimdi bolmaq», - dedi Tamara Dúısenova.